A career in podiatry
Beth yw Podiatreg?
Mae podiatryddion yn arbenigwyr meddygol sydd wedi’u hyfforddi i asesu, diagnosio a thrin cyflyrau sy'n gysylltiedig â'r traed, y fferau, y coesau a'u strwythurau cysylltiedig.
Ffaith: Câi Podiatryddion eu galw'n Giropodyddion hyd at 1993 pan fathwyd y teitl Podiatrydd, sy'n cael ei gydnabod yn rhyngwladol. Caiff y term ciropodydd ei ddefnyddio hyd heddiw ar brydiau ond nid oes gwahaniaeth rhwng y ddau.
Pa fath o gleifion y mae Podiatrydd yn ei drin?
Bydd cleifion o bob oedran a chefndir. Gallant yn aml fod yn blant neu'n oedrannus. Gall fod yno glinigau mwy arbenigol sy’n ymgymryd â rheoli traed risg uchel, llawfeddygaeth ewinedd neu glinigau Cyhyrysgerbydol.
Ble mae Podiatrydd yn gweithio?
Bydd podiatryddion yn gweithio mewn amrywiaeth o leoliadau gofal iechyd, yn aml mewn cysylltiad agos â gweithwyr proffesiynol eraill ym maes gofal iechyd.
Maent yn aml yn cael eu lleoli mewn ysbytai, clinigau cymunedol, meddygfeydd neu mewn practis preifat.
Tra’n gweithio yn y lleoliadau hyn gallant fod yn rhan o dîm amlddisgyblaethol a allai gynnwys nyrsys, ffisiotherapyddion, meddygon ac orthotyddion.
Bydd rhai Podiatryddion hefyd yn ymgymryd ag ymweliadau cartref gyda chleifion nad ydynt yn gallu mynychu clinigau oherwydd problemau iechyd.
Pa gyfrifoldebau sydd gan Bodiatrydd?
- Asesu, diagnosio a thrin annormaleddau a chlefydau sy'n effeithio ar y traed a'r coesau.
- Darparu triniaeth ar gyfer grwpiau cleifion risg uchel fel yr henoed sydd mewn perygl cynyddol o drychiad (amputation).
- Rhoi cyngor a chyfeirio at weithwyr proffesiynol eraill ym maes gofal iechyd.
- Gweithredu technegau llawfeddygol i drin materion traed fel llawfeddygaeth ewinedd.
- Rhagnodi a gosod orthotigau.
- Darparu addysg iechyd traed.
- Ymgymryd â dyletswyddau gweinyddol, megis archebu stoc, cadw cofnodion cywir, sicrhau bod offer yn gweithio'n dda.
Pa sgiliau sydd eu hangen arnoch i ddod yn Bodiatrydd?
- Meddu ar ddealltwriaeth a gwybodaeth am Wyddoniaeth, yn enwedig bioleg, anatomeg a chemeg.
- Sgiliau cyfathrebu rhagorol ar lafar ac yn ysgrifenedig.
- Sgiliau ymarferol, gan gynnwys medrusrwydd â’r dwylo.
- Y gallu i weithio'n annibynnol ac fel rhan o dîm.
- Y gallu i ddefnyddio'ch menter eich hun.
- Sgiliau datrys problemau a rhesymu.
- Gwrandäwr da.
- Sgiliau rheoli amser a threfnu rhagorol.
- Sgiliau TG da.