Mae fferylliaeth yn broffesiwn sy'n seiliedig ar wyddoniaeth lle mae angen i chi fod â diddordeb mewn gwyddoniaeth, yn benodol cemeg a bioleg ac mewn darparu cyngor gofal iechyd i bobl o bob oed a chefndir.
Mae fferyllwyr yn arbenigwyr ar feddyginiaethau a'u defnydd. Mae eu gwybodaeth o sut mae meddyginiaethau'n gweithio yn y corff dynol yn hanfodol i helpu pobl â phob math o gyflwr meddygol i gadw'n iach am fwy o amser. Hefyd mae gennych gyfrifoldeb i sicrhau eu bod yn helpu pobl i ddefnyddio eu meddyginiaethau yn ddiogel. Mae'r fferyllydd yn cynghori gweithwyr proffesiynol gofal iechyd eraill, fel meddygon a nyrsys, ar sut i ddewis y meddyginiaethau gorau i unigolion a sut i'w rhagnodi a'u rhoi i gael y canlyniad a ddymunir.
Mae rhai Fferyllwyr yn aml yn cael eu hyfforddi i ragnodi meddyginiaethau a rhoi brechiadau yn annibynnol ar feddyg. Maent hefyd yn darparu llawer o wasanaethau sydd wedi'u cynllunio i arbed pobl sy'n gorfod gwneud apwyntiad meddyg teulu. Mae fferyllwyr yn cyfrannu ac yn goruchwylio aelodau eraill o'r tîm fferyllol sy'n gallu dosbarthu presgripsiynau a chynghori ar werthiannau meddygaeth dros y cownter a ffyrdd iach o fyw.
Mae fferyllwyr yn gweithio gydag ystod eang o bobl i reoli eu cyflyrau a chynnal iechyd da, yn y salwch tymor byr, fel peswch ac annwyd ac os ydyn nhw'n dioddef gyda chyflyrau iechyd tymor hir fel asthma, pwysedd gwaed uchel, clefyd y galon, diabetes
Gall fferyllwyr weithio mewn amrywiaeth o leoedd fel: canolfannau iechyd, fferyllfeydd stryd fawr, meddygfeydd, cartrefi nyrsio ac, wrth gwrs, ysbytai.