Cyflwyniad I: Hylenydd Deintyddol

Gan ganolbwyntio ar ddeintyddiaeth ataliol, mae hylenyddion deintyddol yn chwarae rhan bwysig yn y tîm deintyddol, gan weithio'n agos ag aelodau eraill o'r tîm i helpu cleifion i gadw eu dannedd yn lân ac yn iach.

Gall hylenydd deintyddol lanhau'r dannedd a'r deintgig yn broffesiynol, darparu hwb i iechyd y geg a defnyddio deunydd selio rhychau ataliol (haen amddiffynnol) yn ogystal â fflworid i gryfhau dannedd oedolion a phlant.

I fod yn gymwys, rhaid hyfforddi am o leiaf blwyddyn i gwblhau diploma mewn hylendid deintyddol er mwyn gweithio fel hylenydd deintyddol cofrestredig.

Efallai y bydd hylenydd deintyddol wedyn yn dewis gweithio mewn practis deintyddol cyffredinol gan gyflawni gweithdrefnau arferol fel digennu a llathru a glanhau’r deintgig. Efallai y byddant hefyd yn dewis gweithio mewn ysbyty deintyddol neu leoliad clinig cymunedol lle gallant drin cleifion â chyflyrau’r geg fwy cymhleth a chlefydau’r geg lai cyffredin.

Ymwelwch â gweddill y llawr hwn i ddysgu sut beth yw bywyd fel hylenydd deintyddol yng Nghymru!

Dolenni defnyddiol: 

• Ysgol Ddeintyddiaeth Prifysgol Caerdydd
• Prifysgol Bangor