Dysgu Sut Fywyd Yw Gweithio Fel Deintydd Mewn Ysbyty

Mae fy rôl i’n hynod amrywiol. Mae’n cynnig heriau newydd bob dydd. Rwy’n gweithio ar draws tri safle ysbyty, sef Ysbyty Prifysgol y Faenor, Ysbyty Brenhinol Gwent ac Ysbyty Neuadd Nevill.

Philipa Barnes v2

Pa sydd wedi’i gynnwys yn eich rôl?

Yn y Faenor, fy rôl i yw meddyg geneuol a genol-wynebol cyntaf ar ddyletswydd. Dyma ble rwy’n gweithio sifftiau 12 awr dydd a nos.Fy swydd i yw gweld cleifion sy’n dod i’r adran achosion brys gyda phroblemau geneuol a wynebol, a’u trin a rhoi cyngor iddynt lle bo’n briodol. Os yw’n angenrheidiol, bydd angen triniaeth frys ar rai cleifion, megis y rhai hynny â thrawma neu broblemau gyda’r llwybrau anadlu lle mae’n bosib y bydd angen triniaeth mewn theatr ar frys. Yn ogystal, rwy’n gyfrifol am ofalu am ein cleifion ar y ward. Ar adegau gwahanol, efallai y byddaf yn y theatr, yn helpu gydag achosion oncoleg pen a gwddf cymhleth, neu'n gwneud llawdriniaeth ar gleifion y mae angen man-lawdriniaeth eneuol arnynt.

Caiff clinigau ymgynghori eu cynnal yn Ysbytai Neuadd Nevill ac Ysbyty Brenhinol Gwent hefyd. Yma, byddaf yn cynorthwyo meddygon ymgynghorol i weld cleifion sydd wedi cael eu hatgyfeirio gan ddeintyddion a meddygon teulu drwy gymryd nodiadau trylwyr am eu hanes a chynllunio unrhyw archwilio pellach os bydd ei angen. Yn y sesiynau hyn, rydym ni hefyd yn gweld cleifion sy’n dod am archwiliadau rheolaidd.

Sut daethoch chi at eich rôl?

I ddechrau, dechreuais i yn Ysbyty Brenhinol Gwent fel Hyfforddai Deintyddol Craidd (DCT) 2. Gwnes i gais am y rôl hon drwy Recriwtio Cenedlaethol. Oherwydd y pandemig, nid oedd y broses gyfweld arferol yn bosib gan nad oedd hi’n bosib trefnu cyfweliadau wyneb yn wyneb. Yn lle hynny, cymerodd pawb ran mewn Prawf Barn mewn Sefyllfa ar-lein a chawsom ein rhoi mewn trefn yn seiliedig ar hyn. Wedyn, roedd modd i’r holl ymgeiswyr Hyfforddiant Deintyddol Craidd 2 roi eu swyddi dewisol mewn trefn a chefais i gynnig swydd DCT 2 yng Nghasnewydd.

Ar gyfer fy mlwyddyn DCT, cafodd swyddi eu hysbysebu’n lleol ar gyfer hyfforddeion craidd. Gwnes i gais am y rôl DCT 3 a chefais gynnig ar ei chyfer yn dilyn y cyfweliad.

Beth rydych chi’n mwynhau fwyaf am eich swydd?

Yn y swydd, rydym ni’n gallu gweithio ar draws sawl safle ar amrywiaeth o glinigau gwahanol a rhestrau llawdriniaeth. Rwyf wrth fy modd gyda’r amrywiaeth mae hyn yn ei chynnig, ynghyd â'r cyfleoedd i weithio gyda’r tîm OMFS ehangach, yn ogystal ag arbenigeddau gwahanol wrth weithio yn y Faenor. Nid yw’r dysgu byth yn dod i ben a mwy na 18 ar ôl dechrau yn y rôl hon, rwy’n dal i deimlo bod y swydd yn fy ngwthio ac yn fy herio’n rheolaidd, ac fy mod i’n parhau i wneud cynnydd. Rwyf hefyd yn meddwl bod gweithio mewn adran gydag 8 aelod arall o staff iau yn cyfrannu’n fawr iawn at fwynhau’r swydd.

Mae ymdeimlad cryf o gwmnïaeth pan fyddwn yn gweithio drwy sifftiau ac wythnosau prysur fel tîm. Yn olaf, hoffwn i ddweud bod y rôl hon yn rhoi boddhad mawr. I gychwyn, mae llawer i’w deall a’u cofio ac mae sicrhau eich bod chi’n cadw i fyny gyda’r holl wybodaeth newydd yn waith caled iawn. Serch hynny, pan fyddwch chi’n dechrau ymgyfarwyddo, mae’r swydd yn rhoi boddhad mawr.

I ba fath o berson byddai eich swydd chi’n addas?

Rwy’n creu ei bod hi’n helpu i fod yn weithgar, yn gydwybodol ac yn drefnus fel hyfforddai craiff mewn OMFS. Fel deintydd sy’n gweithio mewn ysbyty, bydd llawer sy’n newydd a bydd llawer fyddwch chi ddim yn ei wybod. Mae gwneud y gwaith yn gynnar, dysgu o’ch camgymeriadau a gofyn am help pan fydd ei angen arnoch oll yn talu ar eu canfed yn y pen draw. Yn ogystal, gall cyfathrebu da, â chydweithwyr proffesiynol ac â chleifion fod yn ddefnyddiol iawn. Yn olaf, gall y sifftiau fod yn hir ac yn heriol, felly mae cael synnwyr digrifwch yn bwysig iawn!