Mae nyrs plant yn gofalu am blant a phobl ifanc o enedigaeth (y rhai a aned yn gynamserol) hyd at 16 oed neu'r rhai sy'n 19 oed os oes ganddynt broblemau iechyd cymhleth. Maent yn darparu gofal i'r plant, pobl ifanc a'u teuluoedd yn yr ysbyty, yn yr ysgol ac yn y lleoliad cymunedol, gan gynnwys yng nghartref y plentyn. Maent yn gofalu am blant a phobl ifanc sy'n sâl, yn anabl ac yn marw yn ogystal â hybu iechyd. Gall fod ganddynt gyflyrau iechyd tymor byr neu dymor hir.
Nod nyrs plant yw gwella ansawdd bywyd yr unigolion y maent yn gofalu amdanynt.
Gall Nyrsys Plant weithio mewn clinigau arbenigol hefyd mewn gweithleoedd eraill fel ysgolion , ysgolion arbennig, newyddenedigol a hyd yn oed mewn cynghorau lleol gan sicrhau bod plant yn iach ac yn aros yn iach .
Fel Nyrs Plant byddwch yn asesu'r plentyn/person ifanc ac yna'n cynllunio ac yn darparu'r gofal sydd ei angen arnynt gan weithio fel rhan o'r tîm amlddisgyblaethol (MDT), gan weithio gyda gweithwyr iechyd proffesiynol eraill megis meddygon, ffisiotherapyddion, radiograffwyr er enghraifft.
Mae Nyrsys Plant yn chwarae rhan hanfodol wrth gefnogi teuluoedd, ffrindiau, a gofalwyr pan fyddant yn poeni ac yn bryderus am eu hanwyliaid.