Michelle ydw i ac rydw i wedi gweithio fel Nyrs Plant angerddol ers dros 30 mlynedd.
Michelle Panniers
Wedi fy lleoli yn yr amgylchedd ysbyty acíwt i ddechrau, fe ges i yna’r fraint o gael gofalu am blant ag anghenion iechyd cymhleth yn y gymuned.
Yn fwy diweddar, roedd fy ngyrfa’n canolbwyntio ar blant iach. Roeddwn yn gweithio'n agos gyda phlant, pobl ifanc a'u teuluoedd fel Nyrs Iechyd Cyhoeddus Cymunedol Arbenigol. Hanfod y rôl oedd hyrwyddo eu hiechyd a'u lles i’w helpu i ddod yn iachach fel oedolion. Arweiniodd y cyfle hwn at fy rôl bresennol fel Uwch-ddarlithydd ym maes Nyrsio Cymunedol a Phlant.
Mae'r amrywiaeth o opsiynau gyrfa’n enfawr; fodd bynnag, mae pawb yn ymdrechu i gadw lles y plant wrth wraidd popeth a wnânt.
Does dim dwywaith bod llawer wedi newid dros y blynyddoedd, ond rydw i wedi gwirioneddol fwynhau pob swydd imi ei chael erioed. Mae Nyrsio Plant yn caniatáu ichi fod yn eiriolwr dros blant a choleddu gofal sy'n canolbwyntio ar y teulu, gan gydweithio â theuluoedd i'w helpu i gyflawni eu nodau.
Mae Nyrsys Plant yn gweithio'n galed i nyrsio plant yn effeithiol neu, ar ben arall y raddfa, i ofalu am blant â chyflyrau sy'n cyfyngu ar eu bywydau a darparu gwell ansawdd bywyd neu ddiwedd oes iddynt.
Pe bawn i’n gorfod rhoi gair o gyngor i rywun sy'n ystyried gyrfa ym maes Nyrsio Plant, fe ddywedwn i...
Peidiwch byth â thanbrisio'r gwahaniaeth rydych chi'n ei wneud.