Therapydd Galwedigaethol - Nicky

Nicky Thomas

Fy Nhaith Gyrfa fel Therapydd Galwedigaethol

Nicky Thomas - Cyfarwyddwr Cyswllt ar gyfer Trawsnewid Gweithwyr Proffesiynol Perthynol i Iechyd (AHP)

A allwch chi roi trosolwg o'ch taith gyrfa hyd yn hyn?

Cymhwysais yn 2003 o'r cwrs hyfforddi mewn swydd pedair blynedd mewn Therapi Galwedigaethol a gynhelir gan Goleg Meddygaeth Prifysgol Cymru Caerdydd. Ar y pryd roeddwn i'n gweithio fel cynorthwyydd Therapi Galwedigaethol gyda Chyngor Sir Caerfyrddin yn darparu cymhorthion ac addasiadau i helpu pobl i aros gartref er bod ganddynt anableddau. Ar ôl cymhwyso, cymerais rôl mewn cartref preswyl ar gyfer pobl ifanc ag anabledd corfforol. Nid oedd unrhyw Therapi Galwedigaethol wedi bod ar y safle cyn i mi ddechrau, felly roedd yn rhaid i mi sefydlu'r gwasanaeth o'r dechrau, a oedd yn gyffrous ac yn ysgogi pryder ar yr un pryd. Tra oeddwn yno, cefais gynnig y cyfle i weithio mewn rôl ran-amser o fewn Iechyd Meddwl. Roedd hyn yn golygu gweithio gydag unigolion â chyflyrau iechyd meddwl difrifol a pharhaus, gan eu cynorthwyo i fyw bywydau normal allan yn y gymuned. O'r fan honno, cymerais rôl fel Therapydd Galwedigaethol Pediatrig Cymunedol yn gweithio gyda phlant a'u teuluoedd i ddarparu addasiadau mawr a chymhorthion ac offer arbenigol. Roeddwn i'n gweld eisiau gweithio ym maes Iechyd Meddwl ac es i weithio yn adsefydlu galwedigaethol, gan gynorthwyo pobl â phroblemau iechyd meddwl ysgafn i gymedrol fel gorbryder neu hwyliau isel i aros yn y gwaith neu ddychwelyd i'r gwaith ar ôl cyfnod o salwch. Ymgymerais â gradd Meistr mewn Rheoli Cyflyrau Cronig ac yna gwnes gais am fy rôl sylweddol bresennol fel Therapydd Galwedigaethol Arweiniol Proffesiynol, gan reoli staff ar draws gwasanaethau oedolion, oedolion hŷn, amenedigol ac ymyrraeth gynnar mewn gwasanaethau seicosis. Ar hyn o bryd rydw i ar secondiad gydag AaGIC fel Cyfarwyddwr Cyswllt ar gyfer Trawsnewid AHP.

Pam wnaethoch chi ddewis y maes gwaith hwn?

Dechreuais hyfforddi fel myfyriwr nyrsio yn 1988, ond ni allwn orffen fy hyfforddiant gan fod gen i fy mab hynaf ac nid oedd gen i ofal plant i'm galluogi i orffen. Roeddwn wedi gweithio ochr yn ochr â Therapyddion Galwedigaethol wrth hyfforddi fel nyrs ac roeddwn am allu gwneud gwahaniaeth gwirioneddol i fywydau pobl trwy eu helpu i adennill eu hannibyniaeth mewn gweithgareddau bob dydd. Roeddwn wedi arsylwi ar y Therapyddion Galwedigaethol yn hwyluso gwaith grŵp ac ymyriadau un-i-un ar y ward ac yn gallu gweld y gwahaniaeth a wnaeth i'r cleifion.

Pa fathau o staff a staff proffesiynol wnaethoch chi weithio gyd-weithio â nhw?

Mae'r mathau o gleifion rwyf wedi cyd-weithio â nhw yn cynnwys oedolion hŷn, oedolion iau ag anableddau, pobl sy'n byw gyda dementia, pobl ag anableddau dysgu, plant a'u teuluoedd, ac unigolion sy'n byw gyda phroblemau iechyd meddwl ysgafn i gymedrol a difrifol a pharhaus. Mae'r gweithwyr proffesiynol rwyf wedi cyd-weithio gweithio â nhw yn cynnwys Ffisiotherapyddion, Nyrsys, Seicolegwyr, Gweithwyr Cymdeithasol, Seiciatryddion, Adran Gwaith a Phensiynau, Athrawon Ysgol, Fferyllwyr.

Beth oedd eich hoff agweddau o weithio fel Therapydd Galwedigaethol?

Rwyf bob amser wedi mwynhau fy ngwaith fel Therapydd Galwedigaethol. Rwyf mor falch fy mod wedi gallu cael gyrfa mor odidog ac amrywiol. Fy hoff rôl oedd Therapydd Galwedigaethol Arweiniol Proffesiynol gan fy mod wedi gallu gweithio gyda staff Therapi Galwedigaethol ac amrywiaeth o randdeiliaid ar draws gwahanol arbenigeddau ym maes iechyd meddwl a dylanwadu ar gyfeirio Therapyddion Galwedigaethol fel rhan o'r agenda iechyd meddwl sy'n trawsnewid y meddwl. Mae'r gwaith hwn hefyd wedi fy ngalluogi i weithio gydag asiantaethau'r trydydd sector ac mewn cydweithrediad â defnyddwyr gwasanaeth, ac mae'r ddau ohonynt wedi rhoi persbectif ehangach i mi wrth ystyried gwneud newidiadau.